وقت تحس حياتك فارغة
تحب تعباها و ما تعرش باش..
تلوج على خصلة تشد فاها
قلب حنين روح تحكي معاها

كيفاش وصلت هنا؟
تي متني كنت لباس..
علاش هكا.. و وحد يدخل بعضو ما الساس للراس؟؟
الصوت الي في مخي ما حبش يرحمني..
الف مرة في النهار يسبني:
شوف اندادك اش عاملين!
قلي اش عملت فيهم ها السنين!!!
وين وصلت في حياتك و انت خايفة م العينين؟
كل ما تقدم خطوة توخر ستين..

تي اخزر لروحك في المراية
تو هذي خليقة وحدة زاهية؟
تكذب على روحك ولا ع العباد؟
لا نجمت تبقى مع صحاب ولا راجل نجم يبقى معاك..
الي يسالك تقلو ما لقيتش شكون..
قلوقية و الرجال لا عندي ليهم بال و لا اصلا نحب نعرف شكون..
اما وراس زينك عينيك تكذب،
تي هوما الي ما نجموش مخك المعوج و هبال روحك و خرمك.
تي بالله شكون هالي بش ينجم يبقى معاك؟
وانت في النهار تخمم في سبعين سبة و سبة بش تعملها في روحك..
تي مريضة في مخك!
ما تنجمش تتعدى على عبد في الشارع و ما تحللوش و تقراه قراية..
كان قعدة تفوت خمسة عباد تتخنق..
السيقارو ورا خوه و البدن مخرب و محروم
وانت لا عاملة حساب لحد..
تفلح فاها و لا عاد عارفة الضحكة م الجد..
معاش عاملة حساب للعرف و الحشومية..
ولا حتى العيلة الي رباتك يا مرزية..

تقتل في روحك بالعرق..
لا عاد تعرف تحس..
لا وجيعة لا فرحة لا نفس..
تي الدموع الي ترتح سنين توا تحرق في عينيك و ما تهبطش..

نقلو اسكت..
صوت مش عارفة منين جاي اما في مخي نسمع فيه..
نحبو ينقص من حسو..
عايش معايا و السيد حاطط في قلبو..
حالف يدمرني و ما يسيبنب كان الي مزال في مخي يحرقو..
و قلبي يعذبو و يهمهمشو..

المشكل حد ما يفهم..
الكلها تحب تعرف فاش تخمم..
اما اول ما تحل هكا الجلغة الي عندك كلها تبدا تحلل..
تي ماه كي ترجع للرسمي السيد عندو الحق! تي برا عاود اجبد اللام و ضريبة و ارتاح..
مش كنت قبل تحاول و ما نجمتش قال شنوة تخمم ف الي يحبك..
توا مزال كان الي يخلقك يخمم فيك..
برا رتح و ارتاح..
اهوكا ضاهرلي عندو الحق..

لطيفة سويبقي

 

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s